новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  2 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 103 (9478); суббота, 11 сентября 2004 года

РОДНОЙ ЯЗЫК - ДУШИ ЧАСТИЦА…


"Мел дукха дар, аьнна, бIарг бизац; мел хоза дар аьнна, дог Iабац".
Сколько б ни было добра - глаз не насытится; сколько б ни было красивого - сердце не насытится.
(Из ингушского фольклора)

8 сентября в средней школе № 1 с. Экажево состоялось расширенное заседание, посвященное проблемам развития ингушского языка и литературы. Оно было организовано Институтом повышения квалификации работников образования РИ в рамках проведения в республике Дня ингушского языка.
На этом мероприятии присутствовали не только специалисты Министерства образования РИ и Министерства культуры РИ, но также известные писатели и научные деятели Ингушетии. В работе заседания активно участвовали начальник школьного отдела Министерства образования РИ Л.Зязикова, директор республиканского Дома народного творчества М.Аушев, профессор Ингушского госуниверситета Ф.Оздоева, народный писатель Чечено-Ингушетии С.Чахкиев, главный редактор журнала "Литературная Ингушетия" А.Мальсагов, историк Н.Кодзоев, представитель муфтията РИ А. М. Дударов и многие другие.


…Актовый зал Экажевской средней школы № 1 празднично украшен цветами и флажками. Всюду - национальная символика: кувшины, силуэты башен... Оформлены многочисленные выставки - "Моя Ингушетия", "Край родной - навек любимый", "Детское творчество. Мир сказок", "Родное село Экажево", стенды, посвященные творческой деятельности известных ингушских литераторов. На выставках широко представлены книги по истории республики, словари. Среди них - "Русско-ингушский словарь" под редакцией Ф.Оздоевой и А.Куркиева, книга "Ингушский фольклор" под редакцией А.Мальсагова.
Знакомлюсь с учительницей ингушского языка и литературы Экажевской средней школы № 1 Зиной Мажитовной Бариевой. Она много лет преподает родной язык детям и глубоко благодарна А.Мальсагову за книгу "Ингушский фольклор": "Это очень ценный материал, который мы, учителя, охотно используем на уроках. В книге можно найти сказки, сказания, пословицы, поговорки - все, чем богато наше устное народное творчество".
Зина Мажитовна говорит о значении родного языка: "Я не мыслю ингушей, в том числе и себя, без совершенного знания ингушского языка. Ведь язык - частица нашей души. Вижу свою педагогическую задачу в том, чтобы привить воспитанникам глубокий интерес к нему".
Заседание открыл заместитель директора ИПК работников образования РИ М.Ахматов. Он рассказал о немалой работе, проведенной в последнее время специалистами кабинета ингушского языка и литературы. Методист института повышения квалификации К.Гагиев в своем выступлении высказался о необходимости обновления и улучшения качества содержания учебников, учебных программ и методических пособий. Он также отметил, что назрело время составления словарей ингушского языка для начальных классов: "Работе со словарями следует обучать и младшеклассников. Это позитивно повлияет на развитие речи детей". В настоящее время специалист ИПК Курейш Гагиев как раз и занят работой по выпуску фразеологического и толкового словарей, составляемых по ныне действующим учебникам ингушского языка и литературы для 2-4 классов…
Секретарь-координатор УМС Министерства образования РИ С.Хамчиев поднял достаточно важный вопрос о необходимости создания при Министерстве образования РИ отдела системы национального образования и воспитания по примеру других республик России. Он также считает необходимым ввести в учебный процесс преподавание этнопедагогики: "Мы преподаем в школе ингушскую этику без учебного пособия. Парадокс?" Автор книги "Возвращение к истокам" Султан Хамчиев подготовил собственный труд "Очерки по ингушской народной педагогике", которая ждет своего читателя уже несколько лет. Так что учебные пособия по этнопедагогике и этноэтикету, в которых нуждаются и высшая, и общеобразовательная школы, в природе существуют. Дело за оказанием помощи в финансировании этого актуального проекта…
С большим вниманием выслушали специалисты выступления знатоков ингушского языка и литературы Ф.Оздоевой, С.Чахкиева, А.Мальсагова, Л.Зязиковой.
Параллельно с ходом заседания в Экажевской школе были проведены открытые уроки, в том числе и внеклассное мероприятие "Мой любимый ингушский язык".

Л.Гойгова, начальник управления образования Назрановского района:

- Состоялся обстоятельный разговор о состоянии преподавания родного языка и литературы в общеобразовательных учебных заведениях. Все мы получили большую пользу, участвуя в нем.
Конечно, проблем еще немало. Полагаю, что следует усовершенствовать хрестоматии ингушской литературы, а также помочь школам в вопросе приобретения наглядных пособий.
Отмечу большую работу коллектива Экажевской средней школы № 1. Педагоги под руководством директора школы А. Т.Костоева прекрасно подготовились к проведению этого мероприятия. Была оказана большая помощь и со стороны сельской администрации.
М.Дзаурова, поэтесса, учительница Кантышевской средней школы :
- Спасибо организаторам этого мероприятия! Мы, педагоги, углубили свои знания и надеемся успешно применить их в процессе школьного обучения .
На заседании поднимались актуальные вопросы, касающиеся развития и углубленного изучения ингушского языка и литературы. Рассматривалась национальная модель обучения детей с раннего возраста. Затрагивалась такая проблема, как нехватка в общеобразовательных учебных заведениях литературы на родном языке, наглядных пособий и технических средств обучения. Были выдвинуты предложения создать при Министерстве образования РИ отдел системы национального образования и воспитания, а также открыть в общеобразовательных школах подготовительные классы - по примеру соседних республик.
В конце заседания были выработаны Рекомендации.
М. АМИРОВА




Г1алг1ай метта ц1ей дездеш

Бицбе оамал боаца г1алг1ай мотт
Ховш ма хиллара, укх шера апрель бетта Г1алг1ай Республика Президента Указах в1ашаг1ъеллар "Г1алг1ай мотт" яха 1илман центр. Цунна презинтаци елга д1адихьар укх деношка Назранерча культура Ц1аг1а. Дукха адам гулденнадар 8 сентябре укхаза. Уж бар йоазонхой, ц1ихеза 1илман болхлой, хьехархой, интеллигенце викалаш. Торжественни хьале кийчъяьча зале 1оха моттигаш ца тоъаш дукха нах бар. Президиуме ба бовзаш бола йоазонхой Плиев Махьмад-Са1ид, Чахкиев Ювсап, Танкиев Абукар, журналист Котиев Сулумбик, образоване министр Танкиев Исма1ал, "Г1алг1ай мотт" яхача 1илман центра кулгалхо, вовзаш вола поэт Вышегуров Мухьмад.



Сайре хьаеллаш лоацца къамаьл деш Котиев Сулумбика аьлар: "Боккха, мах баь варгвоаца, лоарх1аме х1ама да ер 1илман центр в1ашаг1-йоллар. Дог хьоасташ кхаъ хиннаб укханах берригача г1алг1ашта. Дагадоххараг1а аьлча, ер тайпа лостам бола учреждени ерригача Къулбаседа Кавказа кхыча регионашка х1анззалца хьайийла ца хилар теркалдича кхы а лоарх1ам айлу укхан". Цул т1ехьаг1а къамаьл даьча 1илман центра кулгалхочо Вышегуров Мухьмада аьлар: "Мах баь варгвоацаш х1ама да "Г1алг1ай мотт" яха 1илман центр хьаеллар, х1аьта бехктокхаме г1улакх да цунна кулгалдар. Аз доккха баркал оал тахан ер ц1ей дезде укхаза мел баьхкачарна".
Халкъа йоазонхочо Плиев Махьмад-Са1ида ший къамаьлаца белгалдаьккхар мах баь ца валлал х1ама хилар 1илман центр хьаеллар. "Хоза совг1ат да вайна Президента Зязиков Мурада даьр - хьайийлай "Г1алг1ай мотт" яха 1илман центр. Ер цхьан сага е шин сага г1улакх дац, ер вай дерригача къаман г1улакх да, цудухьа массавар а оарцаг1вала веза ер беркате болх лертт1а д1аг1оргболаш. Вайха х1аране шийна могаш дола г1улакх де деза центра. Сона 1алаьмате дика хет укх центра кулгалде Г1алг1ай Республика Халкъа поэт Вышегуров Мухьмад оттаваь. Аз дег чура даькъал ювц шун коллектив, 1илман совет, болх ираз долаш хилба шун".
Философски 1илмай доктора, "Г1алг1ай мотт" яхача 1илман центра 1илман Совета председатела Танкиев Абукара ший къамаьлаца къаьстта белгалдаьккхар мотт ца хуле, яхь ца хуле, ираз хургдоацалга. Д1ахо цо аьлар: "Беррига г1алг1ай оарцаг1бала беза, къаьстта интеллигенци эггара хьалха, вай метта г1улакха. Дала сий долда Г1алг1ай Республика Президента Зязиков Мурада "Г1алг1ай мотт" яха 1илман центр хьайийла. Тахан г1алг1ай мотт бицлуш латт, цхьа 10-15 шу кхы даьлча шоай мотт боацаш бусаргба г1алг1ай. Цудухьа вай оарцаг1довла деза воай метта г1улакха. Кхоана вай мотт д1абоале малаш хургда вай? Сона ловра вай хоза, зовне мотт вай эздий бувцар, лорабар, тахкар, башхар. Цу хьакъехьа къахьегаргда 1илман центро, цун болхлоша. Массавар оарцаг1вала веза вай метта г1улакха. Г1алг1ай мотт бувцаш яхийла вай т1ехье!
- Къаьстта тха министерствана боккхача лоарх1аме х1ама да "Г1алг1ай мотт" яха 1илман центр хьаеллар, - аьлар ше къамаьл деш Г1алг1ай Республика дешара министра, профессора Танкиев Исма1ала. - Х1ана аьлча, г1алг1ай мотт хьехача хьехархошта цкъаза тоъац методически пособеш, луг1аташ, тахканза да 1алам, дийнат, айламе, цудухьа тхо теш центро хьехархошта, берашта новкъостал дергхиларах. Тха министерство кийча я шуца айхха гаргало лелае. Дала беркате болба хамбаь баргбоаца шун болх!"
В1ашаг1кхетаре ше къамаьл деш "Сердало" яхача халкъа юкъарча газета керттерча редактора Шадиев Хьусена аьлар: "Вай сийлахьа г1алг1ай мотт дикаг1а баржаргболаш, дукхаг1а 1омабергболаш ший амарца Г1алг1ай Республика Президента Зязиков Мурада г1алг1ай меттеи литератураи ц1ей, "Г1алг1ай мотт" яха 1илман центр хьайийла мах баь варгвоацаш г1улакх даьд. Вай мотт- паччахьалкхен мотт. Из лорабе, 1омабе, тахка беза, хестабе беза, х1ана аьлча, - мотт д1абаьлча, къам д1адоал. Со теш ер ц1ей массане къоабалдеш т1аийца хиларах. Вай меттаца да г1алг1ай халкъа истори, цун эздел, куцал, денал, 1аьдал. Вай къамах дог мел лазар оарцаг1вала веза мотт айбе, тоабе, хозбе. Из х1ара г1алг1ачун декхар да".
Сайре чакхйоаллаш типографера хьакхаьчар цу ц1ейга лаьрхх1а арахийца "Г1алг1ай мотт" аьнна ц1и тилла газета хьалхара номер. Цу т1а хьалхарча оаг1о т1а да "Г1алг1ай мотт" яха 1илман центр в1ашаг1йолларах дола Г1алг1ай Республика Президента Зязиков Мурада кулг яздаь Указ, центр хьаелларца даькъал ювцаш Президента администраце, Парламента, Правительства кулгалхоша, общественноста викалаша, яйта телеграммаш, иштта кхыйола материалаш.

УГУРЧИЕВ Азмат-Гири




"Литературни Г1алг1айче"

Кепатеха араяьннай "Литературни Г1алг1айче" яхача журнала укх шерара кхоалаг1а номер. Из хьаеллалу вай эггара боккхаг1барех хиннача йоазонхойх волча Озиев Салмана архиверча "Халбата къайле" яхача повестаца. Цу т1а дувц халбата воаллаш Даьла къайленаш хайнай шийна яхаш нах 1ехабеш хинна саг гучаваккхарах. Из хиннад д1адахача б1аьшерен ткъоалаг1ча-ткъаь иттлаг1ча шерашка
Повесть язъяь я г1алг1ай шаьрача, тайжача меттала. Из мотт бовза, шаьрбе г1ертачоа г1о дергдолаш а я, безаме ешалургйола художественни произведени хиларал совг1а.

Иштта номер т1а кепатеха да вайна дика вовзаш волча халкъа йоазонхочун Плиев Махьмад-Са1ида "Валар тол" яхача романа цхьа дакъа. Цу т1а дувц д1адахача б1аьшерен ткъаь иттлаг1ча шерашка Сталина мехка доал деча хана т1аэттача доккхача 1азапах, мехка дикаг1бола, хьаькъал а г1улакх а дола нах бехк-гунахь доацаш лувцаш, боабеш хиларах.
Йоазонхочо хозача г1алг1ай меттаца дувц цу хана нахага г1елал яхьаш сталински режимо бена хиннача балех.
Журнала т1а да вовзаш волча вай йоазонхочун Хамхоев Вахий "Къонахий" яха дувцар. Цо гойт мелла низкъала хьал эттача а, кхыметтел пхьа юкъе боллал а, къонаха ца вохаш, сабар долаш, денале, эхь-эзделе волга. Къонаха ше бехке волча, къувса ца отташ, бакълувш, ший бехк бизза хьат1аэцаш волга.
Деша дог доаг1аш а дийшачоа д1аэца пайдане х1ама долаш а да из дувцар.
Къона йоазонхо Горчханов Бадрудин вовз вай художественни литература произведенеш ешарашта, езарашта цо говзаме йоазош деш хиларца. Дукха езаеннай царна цун беламе произведенеш. Иштта дола "В1ашт1ехьа ца даьнна баьрел" яха беламе дувцар кепатехад журнала кхоалаг1ча номер т1а.
Журнала поэзе разделе кепатеха я вай халкъа дика бовзаш болча поэтий Плиев Махьмад-Са1ида, Чахкиев Са1ида, Угурчиев Азмат-Гире, кхычар стихотворенеш. Вай ювца ца езаш наха езаенна я цар поэзи.
Д1адахача б1аьшерен ткъаь иттлаг1ча шерашка денз стихотворенеш язъеш ва Льянов Мухьмад, уж наха езаенна а безаме хеташ ешаш а я. Цун стихай б1арчча подборка я журнала оаг1онаш т1а.
Г1алг1ай художественни литература дег1адоаладеча, къаьстта цун сатирически жанр шеръеча доккха дакъа лаьцар вайцара Даьла кхеле вийрзача Ведзижев Ахьмада. Цун произведенеш наха ешар, х1анз ешаш я сакъердаме а хеташ.
Журнала т1а кепатеха араяьккхай из ваьча дийнахьа денз 85 шу дизарца дувзаденна цун "Деха зоахалол" яха комеди. Из кораяьй йоазонхочун архивера, из а Озиев Салмана "Кхо чурт" яха легенда а цар архивашкара кепатоха кийчъяьй журнала керттерча редактора Мальсагов Абос.
Укх шера 205 шу дизад эрсий халкъа сийлахь-воккха поэт Александр Сергеевич Пушкин ваь. Цунца дувзаденна журнала т1а араяьхай Озиев Салмана таржам даь г1алг1ай меттала "Мозг1арахи цун болхлочох Балдахи бола фаьлг", "Еннача паччахьа йо1ахи ворх1 турпалахи бола фаьлг" яха произведенеш.
Укх шера октябрь бетта 190 шу дуз, Пушкин а санна, эрсий халкъа сийлахь-воккха поэт Михаил Юрьевич Лермонтов ваь. Лермонтовна хетаяь Яндиев Жамалдий, Осмиев Хьамзата, Чахкиев Са1ида, кхычар а стихотворенеш я журнала т1а.
Г1адвугаш да журнала т1а из арадала доладелча денз къонача литераторий произведенеш ювлар. Царна лаьрх1а "Къоначар оазаш" яха раздел а я. Цу поэташеи йоазонхошеи догдоахийт вай г1алг1ай художественни литература кердача произведенешца хьалдузаш дег1адоаг1аргхиларга. Цар язъю поэтически, прозаически, драматически произведенеш.
Журнала х1анзарча номер т1а араяьнна я Газдиева Аьсета, Джандигова Хьанифай, Дударова Маккий, Мусиева Лейлай, Кузьгова Ингай, Махлоева Рукъета стихотворенеши дувцараши, х1аьта иштта Хамхоева Жимсаре "Нийса никъ харжар" яха пьеса а.
Уж язде болабеннача хана денз царна новкъостал ду журнала редакце, къаьстта цун керттерча редактора, хоалу цар говзал лакхлуш хилар.
Х1анзарча номер т1а да Газдиева Аьсета "1аьржа лерг", Кузьгова Ингай "Миштай кхоане?" яха дувцараш.
Газдиева Аьсета хоза дувц "1аьржа лерг" яхача ший дувцар т1а к1аьнка Идриса мел дукха деза 1алам, хьайбаш, х1аьта Дала кхелла хьайбаш, кхы мел дола садоалла х1амаш шоайла хьерчаш, шоай к1оригаш дукха езаш, йовзаш хилар. Дагадохийт Дала кхелла са мел доаллача х1амаша шоай т1ехьенаш безаме вахара новкъа йоахаш хилар.
Кузьгова Ингас "Миштай кхоане?" яхача дувцар т1а язду кхоачареи хийреи хиларга хьежжа доацаш наха юкъе в1аши латта г1улакхаш, кхыметтел нанас баьча вежарашта юкъе а, саг хиларга хьежжа да, яхаш. Нанас ваьча вошас ца даь г1улакх ду цу т1а вувцача Султана шучас.
Сага вахара уйла яйташ да Ингай дувцар.
Хамхоева Жимсаре "Нийса никъ харжар" яхача ший пьеса т1а дувц корта бохабеча маларах доала зе, мехкарий удабеш вайна юкъе х1анз шерра даьржача ийрчача х1амах, дагадоххараг1а, малий а хьан я а ца ховш йо1 йодаеш хулача акхача г1улакхах, уж зулманеи зеннеи х1амаш вай вахаре доккха халахетар доаккхаш а, кхыметтел нах довнага боахаш, зулам деш а хилар эггара хьалха д1адаккха дезарех ца1 да, аьнна, дагадохийт.
Мел хоза а г1адъяха а аьннад къонача поэтесас Дударова Маккас, "Са къам дода кердача новкъа даьнна" яхача стихотворене т1а ший къаманца болча безамах:

"Маьлха з1анараш гулъяьй 1а хьайна,
Бетта лиро хьа никъ даькъала бувц.
Лаьтта мел йола хозне ийцача а,
Цхьаккха хозне яц хьоца хувца.

Са къам дода кердача новкъа даьнна,
Ширача вахара з1анараш хоадаяь,
Лекх цо б1аргаш гаьна-гаьнна,
Сийрда седкъа хьалха боландаь.

Иштта дика язъяь я цун "Ц1енча денца ях со укх дунен т1а", "Дац хьол хозаг1а цхьаккха х1ама", "Са Т1ой-Юрт" яха а кхыйола а стихотворенеш", Дударова Маккий поэзи йоккха ганз яргхиларга догдоахийташ я.
Журнал арадала доладеннача хана денз яздеш хьайоаг1а Джандигова Хьанифа. Хоза я цун лирика. Из езаеннай ешарашта. Кхоаччарча наьха в1аши долча а иштта моллаг1ча наха юкъе хулача а г1улакхехи 1аламахи йола цун стихотворенеш к1аьда а безаме а я. Цо язду:
"Хьо сих ма ле, селла сих ма ле,
Вай кхувргда къаста кхоана,
Тахан хьахьажа, велале,
Футтаре е вайца бала болчарна.

Хьо сих ма ле, селла сих ма ле,
Аз хьогара дукха х1ама дехац.
Кхувргда вай безам бохабе
Ала баккха сийг мара эшац".

Хоза а рифмеи ритми дика йолаш язъяь я уж куплеташ. Хьанифас иштта хоза дувц 1а а:
"К1ай дувхар дийха
Кура латт Бешлоам,
Беза г1ирс т1абийха
Хиннаб цунна тоам,

Ц1енача феца садоахаш
Шелал ера 1а,
Берий дог г1оздоаккха
Унахц1ена 1а".


Ший стихотворенеш а санна безаме да цун дувцараш а.
Вай укх статья т1а къонача цу шин литераторах дувце а, иштта дика дош ала йиш йолаш язъю шоай произведенеш вокхар а. Укх цхьан статья т1а бувцалургбац журнала номер т1а дакъа лоаца берригаш а.
Журнала х1ара номер ара массаза йоал, деш латтача ц1енна цхьацца кирпишк т1аюллаш санна, вай г1алг1ай художественни литературана керда произведенеш т1акхет, д1аьхег1а хул из.
Тахан вай литература хьалдузаш бола, керда таланташ гучайоаха кхуврч ба журнал.
Ю. ЧАХКИЕВ




Боккхача безамца…

Чахкиев Идриса Са1ид ц1ихеза вола прозаик, поэт, драматург, берий йоазонхо, сценарист, публицист ва. Ткъаьи иттанел совг1а книжка арахийцад цо. Царна юкъе да романаш ("Дошо б1оаг1ий" "Бертий бийсаш", "Иштта мара"), повесташ ("Даь илли", "Энвер", Идиги Мадиги з1амига йи1иги",) поэтически сборникаш ("Г1араг1ураш", "Седкъий дог1а", "Лаьттан г1овга", "Дог-безам", иштта кх.д1). Чахкиев Са1ид ше сценарист хилара тарра дакъа а лоацаш арадаьннад шиъ телевизионни исбахьален фильм: "В1овнаш т1а сега ц1ераш", "Лоаман новелла". Из ва дуккхача иллей дешай автор. Цо язъяьча пьесех - уж я "Къонгаш бовча хана" яха драма, "Са к1аьнк", "Асхьаб Бендер" яха комедеш, "Террор" яха турпала драма, берий пьесаш: "Цхьанна х1амах ма кхера Зураб", "Тамашийна кий", "Къамаьл дувцаш йола теник", "Рамиси Натаи", "Светофор, пхьу Трезор, 1овдала борз", иштта кхыяраш, спектаклеш увттаяьй Нохч-Г1алг1ай республикански теникий театре (г1алг1ай а нохчий а меттала), Нохч-Г1алг1ай Паччахьалкхен драматически театре (г1алг1ай а нохчий а меттала), Грознерча М. Ю. Лермонтова ц1ераг1ча Паччахьалкхен драмтеатре (эрсий меттала), Г1алг1ай Республика И. Базоркина ц1ераг1ча драмтеатре (г1алг1ай меттала), Къилбаседа Х1ирий Паччахьалкхен драмтеатре (х1ирий меттала), иштта уж увттаяьй Россерча дукхача регионий театрашка.
Чахкиев Са1ида эрсий меттала доахаш кепаетташ арадийннад А. С. Пушкина, М. Ю. Лермонтова, Р. Гамзатова, К. Кулиева. О. Сулейменова, В. Федорова, М. Карима, Т. Замакуловой, С. Михалкова, иштта дуккхача кхыбарий говзаме йоазош.
Къаьстта дукха болх баьб Чахкиев Са1ида тайп-тайпарча къамах болча драматургий пьесашта таржам деш. Цо г1алг1ай меттала яьккхай Н. В. Гогола "Ревизор" яха комеди. И. Базоркина ц1ераг1ча драмтеатро цох спектакль оттайир, из ч1оаг1а могаеш т1а а ийцар критико а хьежархоша а. Иштта С. Чахкиева г1алг1ай меттала яьхай испански поэта, драматурга Гарсиа Лорки "Ц1ийша диза ловзар" яха трагеди. Французски поэта, драматурга Ростана Эдмон "Сирано де Бержерак" яха пьеса, литовски халкъа йоазонхочун Юозас Гришаса "Джази, безами, шайт1еи" яха драма.
Чахкиев Идриса Са1ида творчествах лаьца кхы а дуккха дар дувца, цхьабакъда мел дувце а дийца варгвац.
Цу башхача йоазонхочо дукха ха йоаццаш шин томах латта "Г1алг1ай оамалаш" яха драматурги арахийцай. Царна юкъе яхай тайп-тайпарча ханашка язъяь пьесаш. Хьалхарча тома юкъе яхай "Справка", "Деха зоахалол", "Мераж" яха а кхыйола а пьесаш. Уж я "Белам - белхам" яхача раздела чуйоаг1аш. "Асхьаб Бендер" яхача раздела чуйоаг1а "Са к1аьнк", "Асхьаб Бендер", "К1оаг" яха пьесаш. Берашта хетаяьча "Тамашийна кий" яхача раздела юкъе яхай "Цхьанна х1амах ма кхера, Зураб", "Тамашийна кий", "Майра Цици" яхараш а кхыйола а пьесаш.
Шоллаг1а том латт "Къонгаш бовча хана", "Последний долг", "Террор", "Жанхота валар", "Б1аргий хих биза кад" яхача драматически произведенеех.
Дувцилга йоаццаш г1алг1ай художественни литература дезараша боккхача безамца т1аэцаргдолгах шеко яц уж книжкаш.
У. ЧИЕВ


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru