новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  2 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 68 (9757) вторник, 23 мая

ГIАЛГIАЙ РЕСПУБЛИКА ЗАКОН

Г1алг1ай Республика цхьайолча законодательни акташта хувцамаш юкъедахьара хьакъехьа

Т1аийцад
Г1алг1ай Республика
Халкъа Гуллама 4 мае 2006 шера

Статья 1
"Г1алг1ай Республика Архивни фондеи архивайи хьакъехьарча" №.11 -РЗ йолча 2001 шера 25 июнерча Г1алг1ай Республика Закона ("Г1алг1айче" яха газет, 2001, 29 июнь; 2003, 1 октябрь; 2006, 18 март) юкъехьо ер хувцамаш:
1) 8-ча статьяй шоллаг1ча абзаце "Российски Федераце Архивни фонда паччахьалкхен доацача даькъа" яха дешаш хувца ", паччахьалкхен е муниципальни доале лоарх1аш доаца." яхача дешашца;
2) 9-ча статьяй пхелаг1ча абзаце "судебни решенега хьежжа мара йоацаш" яха дешаш д1адаха;
3) 26-ча статьяй цхьоалаг1а абзац лелаш йоацаш ларх1а.

Статья 2
"Г1алг1ай Республика паччахьалкхен меттай хьакъехьарча" №12-РЗ йолча Г1алг1ай Республика Закона ("Сердало" яха газет, 1996, 31 август; 2002, 17 август; "Г1алг1айче" яха газет, 2006, 18 февраль) 25-ча статьяна юкъехьо ер хувцамаш, из укх редакцег1а д1а а язъеш:

"Статья 25. Г1алг1ай Республика Российски Федераце субъекташцарча юкъамоттигашка лелабу мотт
Г1алг1ай Республика Российски Федерацецеи цун субъекташцеи йолча юкъамоттигашка лелабу Российски Федераце паччахьалкхен мотт.".
Статья 3
Ер Закон ч1оаг1денна д1аотт ер официально кепатехача дийнахьа денз.

Г1алг1ай Республика
Президент М. ЗЯЗИКОВ
г.Магас
18 мая 2006 шера
№45-рз



ГIАЛГIАЙ РЕСПУБЛИКА ЗАКОН

"Г1алг1ай Республика машара судахой хьакъехьарча"
Г1алг1ай Республика Закона хувцамаш юкъедахьара хьакъехьа

Т1аийцад
Г1алг1ай Республика
Халкъа Гуллама 4 мае 2006 шера
Статья 1
"Г1алг1ай Республика машара судахой хьакъехьарча" №1-РЗ йолча 1998 шера 3 февралерча Г1алг1ай Республика Закона ("Г1алг1айче" яха газет, 1998, 8 апрель; "Сердало" газет, 2000, 27 май; "Г1алг1айче" яха газет, 2001, 24 декабрь; 2002, 25 июль; 2003, 23 сентябрь) юкъехьо ер хувцамаш:
1) преамбуле "бокъонаши" яха дош д1адаккха;
2) 2-ча статья т1а "1. Бокъонаш" яха дешаш д1адаха;
3) 6-ча статьяй шоллаг1ча даькъа т1ара "Г1алг1ай Республикеи" яха дешаш д1адаха;
4) 8-г1а статья лелаш йоацаш лapx1a.

Статья 2
Ер Закон ч1оаг1денна д1аотт ер официально кепатехача дийнахьа денз.

Г1алг1ай Республика
Президент М. ЗЯЗИКОВ
г.Магас
18 мая 2006 шера
№46-рз



ГIАЛГIАЙ РЕСПУБЛИКА ЗАКОН

2006 шера йолча янза яргйоацача медицински страховане Республикански фонда бюджета хьакъехьа

Т1аийцад
Г1алг1ай Республика
Халкъа Гуллама 4 мае 2006 шера

Статья 1
Ч1оаг1ъе 2006 шера йола янза яргйоацача медицински страховане Республикански фонда бюджет (д1ахо-Фонд) доходашта сумма 469448,6 эзар сом йолаш, расходашта сумма 494233,2 эзар сом йолаш.
Фонда бюджета дефицита чура финансировани яра источникаш оттае укх Закона 1-ча приложенега хьежжа.

Статья 2
2006 шера Фонда бюджета доходаш налогий, страховой взносий, кхыча поступленей чотаг1а в1ашаг1йохкаш хилар оттаде укх Закона 2-ча приложенега хьежжа долча боарамашка.

Статья 3
2006 шера Фонда расходий структура оттае укх Закона 3-ча приложенега хьежжа.

Статья 4
2006 шера Фонда финансови средствай нормированни страховой запас оттае 36234,0 эзар сома боараме (24784,6 эзар сом счете юхедисачун чотаг1а а долаш). Белгалъяьча средстваех резерв ю янза яргйоаца медицински страховани яра территориальни программана финансировани еш критически хьалаш этта моттиг нийслой а аьнна, х1аьта уж мукъа финансови средстваш а яц. Фондо нормированни страховой запас хьаелгеи д1аухийталгеи кхоачашду Фонда Правлене белгалъяьча порядкаг1а.

Статья 5
Управленчески функцеш кхоачашъяра оттае норматив йиъ процент деррига гулдаьча средстваех, шу долалуш диса средстваш ца а лоарх1аш.

Статья 6
Оттаде укх Законо оттаяьча суммел т lex Фонда бюджете 2006 шера хьачукхоачашйола средстваш янза яргйоацача медицински страховане территориальни программана финансировани яра хьожаелга.

Статья 7
Ер Закон ч1оаг1денна д1аотт ер официально кепатехача дийнахьа денз.

Г1алг1ай Республика
Президент М. ЗЯЗИКОВ
г.Магас
18 мая 2006 шера
№47-рз



ГIАЛГIАЙ РЕСПУБЛИКА ЗАКОН

Г1алг1ай Республика паччахьалкхен 1аьдала исполнительни органий система хьакъехьа

Т1аийцад
Г1алг1ай Республика
Халкъа Гуллама 4 мае 2006 шера

Укх Законо Российски Федераце Конституцега, федеральни законашка, Г1алг1ай Республика Конституцега, Г1алг1ай Республика законашка хьежжа оттаю Г1алг1ай Республика паччахьалкхен 1аьдала исполнительни органий система, х1аьта иштта белгалъю Г1алг1ай Республика паччахьалкхен 1аьдала исполнительни органий болх в1ашт1ехьбаккхара бокъон лард.

Статья 1. Г1алг1ай Республика паччахьалкхен 1аьдала исполнительни органаш в1ашт1ехьяхареи цар балхеи принципаш
Г1алг1ай Республика паччахьалкхен 1аьдала исполнительни органаш в1ашт1ехьйоахилгеи цар болхи укх принципий ларда т1а латт:
1) Российски Федераце паччахьалкхен территориальни б1арчала;
2) Российски Федераце суверенитет цун ерригача территорена йоаг1аш хилара;
3) Российски Федераце Конституции федеральни законаши Российски Федераце ерригача территоре т1а керттера хилара;
4) паччахьалкхен 1аьдала система ца1 хилара;
5) законноста;
6) сагаи гражданинаи бокъонаш а парг1атонаш а 1алашъяра;
7) массанена д1адовзаш а бахача наха хьалхашка бехктокхаме а хилара;
8) паччахьалкхен 1аьдал законодательни, исполнительни, судебни долаш дийкъа хилара;

Статья 2. Г1алг1ай Республика паччахьалкхен 1аьдала исполнительни органий система
Г1алг1ай Республика паччахьалкхен 1аьдала исполнительни органий система латт:
1) Г1алг1ай Республика Президентах;
2) Г1алг1ай Республика Правительствах;
3) Г1алг1ай Республика паччахьалкхен 1аьдала кхыйолча исполнительни органех.

Статья 3. Г1алг1ай Республика Президент
1. Г1алг1ай Республика Президент ва республика а Г1алг1ай Республика исполнительни 1аьдала а керте латтар, Г1алг1ай Республика лакхерча г1улакха т1ара саг.
2. Г1алг1ай Республика Президента бокъонаш кхоачашъю Российски Федераце Конституцега, федеральни законашка, Г1алг1ай Республика Конституцега, Г1алг1ай Республика законашка хьежжа.
3. Российски Федераце гражданина д1алу Г1алг1ай Республика Президента бокъонаш федеральни законашеи Г1алг1ай Республика Конституцеи оттаяьча порядкаг1а, Российски Федераце Президента представленег1а Г1алг1ай Республика Халкъа Гуллама.

Статья 4. Г1алг1ай Республика Правительство
1. Г1алг1ай Республика Правительство я лакхера, массаза болх беш йола Г1алг1ай Республика паччахьалкхен 1аьдала коллегиальни исполнительни орган.
2. Г1алг1ай Республика Правительства структуреи в1ашаг1йоллара порядоки оттаю Г1алг1ай Республика Конституцеи Г1алг1ай Республика законашеи.
3. Г1алг1ай Республика Правительства кхоачашбу Г1алг1ай Республика ерригача территоре т1а исполнительно-распорядительни болх Российски Федераце законодательствагеи Г1алг1ай Республика законашкеи хьежжа.
4. Г1алг1ай Республика Правительства кхоачашъеш йола бокъонаш белгалъю Г1алг1ай Республика Конституце, "Г1алг1ай Республика Правительства хьакъехьарча" Г1алг1ай Республика Конституционни законо, Г1алг1ай Республика кхыча законаша.
5. Г1алг1ай Республика Правительство болх беш я Российски Федераце Конституце, федеральни конституционни законий, Российски Федераце Президента указий, Российски Федераце Правительства соцамий, Г1алг1ай Республика Конституце, Г1алг1ай Республика конституционни законий, Г1алг1ай Республика законий, Г1алг1ай Республика Президента указий ларда т1а, Г1алг1ай Республика территоре т1а уж кхоачашделга 1алаш а ду.
6. Г1алг1ай Республика Правительство бокъо йолаш я ший компетенцег1а долча дешаех Российски Федераце Конституцена, федеральни конституционни законашта, федеральни законашта, Российски Федераце Президента указашта, Российски Федераце Правительства соцамашта, Г1алг1ай Республика Конституцена, Г1алг1ай Республика Президента указашта духьале е йиш йоацаш дола соцамаш т1аэца.
Г1алг1ай Республика Правительства соцамаш кхоачашданза даргдоацаш да Г1алг1ай Республике.
7. Ший балха т1ехь Г1алг1ай Республика Правительство отчет тела езаш я Г1алг1ай Республика Президента.

Статья 5. Г1алг1ай Республика паччахьалкхен 1аьдала кхыйола исполнительни органаш
1. Г1алг1ай Республика паччахьалкхен 1аьдала кхыйола исполнительни органаш - къаьст-къаьстача (лакхехьарча ведомствана кара долча) доакъошка (доакъой группе) а паччахьалкхен управлене сферашка а Г1алг1ай Республика ерригача территоре т1а исправительно-распорядительни болх кхоачашбеш йола доакъой (доакъошта юкъера) а (е) специальни компетенцег1ара а йола органаш.
2. Г1алг1ай Республика паччахьалкхен 1аьдала кхыйола исполнительни органаш в1ашаг1йохк Г1алг1ай Республика Правительства укх Законагеи Г1алг1ай Республика Президента белгалъеча Г1алг1ай Республика паччахьалкхен 1аьдала исполнительни органий структурагеи хьежжа.
3. Г1алг1ай Республика паччахьалкхен 1аьдала кхыйола исполнительни органаш лелаш я Г1алг1ай Республика паччахьалкхен 1аьдала исправительни органий бокъонаши цар болх в1ашт1ехьбоаккхилгеи шоаш ч1оаг1деш йолча цар хьакъехьарча Г1алг1ай Республика Правительства ч1оаг1ъеча положенешка хьежжа.
Статья 6. Ер Закон ч1оаг1денна д1аоттар
Ер Закон ч1оаг1денна д1аотт ер официально кепатехача дийнахьа денз.

Г1алг1ай Республика
Президент М. ЗЯЗИКОВ
г.Магас
18 мая 2006 шера
№48-рз


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru