новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  2 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 153 (9674) вторник, 6 декабря 2005 года

Г1АЛГ1АЙ РЕСПУБЛИКА ЗАКОН

Г1алг1ай Республика паччахьалкхен граждански служба классни чиний хьакъехьа
Таийцад
Г1алг1ай Республика
Халкъа Гуллама 17 ноябре 2005 года
Укх Законо оттаю Г1алг1ай Республика паччахьалкхен граждански г1улакхерча наха (д1ахо - граждански г1улакхера нах) Г1алг1ай Республика паччахьалкхен граждански служба классни чинаш (д1ахо - классни чинаш) телареи метталоаттадареи порядок.

Статья 1
Классни чинаш тел граждански г1улакхерча наха х1аранена къаьстта, ца1 шоаллаг1чоа т1ехьа нийсдеш, граждански служба г1улакхий группа доазонашка граждански службе леладеча г1улакхага хьежжа, х1аьта иштта профессиональни боарам, Г1алг1ай Республика паччахьалкхен граждански г1улакхе (д1ахо граждански г1улакх) хьалхарча классни чине волаши граждански службе Г1улакх леладеши яьккхача хана д1оахал теркал а деш.

Статья 2
Хьалхаг1а Г1алг1ай Республика паччахьалкхен г1улакхерча наха енна хинна квалификационни разрядаш лоарх1 "Г1алг1ай Республика паччахьалкххен граждански служба хьакъехьарча" Г1алг1ай Республика Законо оттадаьча Г1алг1ай Республика паччахьалкхен граждански служба классни чинашца нийслуш.
Классни чинаш доаккхаг1а хилар белгалдоал Г1алг1аи Республика бокъонца волча 1-ча класса паччахьалкхен советника классни чинагара д1адоладаь з1амигдара порядкаг1а ца1 шоллаг1чоа т1ехьа уж укх Закона йолча приложене т1а д1аяздаь хиларца.

Статья 3
Классни чин хила йиш я эггара хьалхара е арг1анара. Граждански служба эггара хьалхара классни чин лу граждански служба классни чин доацаш волча граждански г1улакхерча сага. Из деш теркалду паччахьалкхен служба кхыча тайпара классни чин, дипломатически ранг, Российски Федераце паччахьалкхен службе хьалха хиннача моттиге граждански г1улакхерча сага енна хинна воински е лаьрхх1а звани.

Статья 4
Граждански службе водаш, паччахьалкхен служба кхы тайпа классни чин, дипломатически ранг, воински е лаьрхх1а звани йолча Российски Федераце гражданина граждански служба эггара хьалхара классни чин лу граждански служба г1улакхий группа доазонашка граждански службе леладеча г1улакхага хьежжа.
Нагахьа санна белгалдаь граждански служба классни чин граждански г1улакхерча сага паччахьалкхен служба кхы тайпа классни чинал, дипломатически рангал, воински е лаьрхх1ача званел лохаг1а дале граждански г1улакхерча сага граждански служба классни чин дала йиш я граждански службе цо леладеча г1улакха доаг1аш долча классни чинал цхьа лаг1а лакхаг1а, цхьабакъда цо леладеча г1улакха йоаг1ача граждански служба г1улакхий группа доазонашка.
Граждански служба классни чин луш теркал ду паччахьалкхен службе кхыча тайпарча классни чине, дипломатически ранге, воински е лаьрхх1а звани йолаш хилара хана д1оахал.

Статья 5
Эггара хьалахара классни чинаш (граждански г1улакхерча саго леладеча граждански служба г1улакха доаг1ача граждански служба Г1улакхий группага хьежжа) да:
1) граждански служба г1улакхий з1амаг1а йолча группана - Российски Федераце паччахьалкхен граждански служба 3-ча класса секретарь;
2) граждански служба г1улакхий йоккхаг1а йолча группана - Российски Федераце паччахьалкхен граждански служба 3-ча класса референт;
3) граждански служба г1улакхий ведущи группана - Российски Федераце паччахьалкхен граждански служба 3-ча класса советник;

4) граждански служба г1улакхий керттерча группана Г1алг1ай Республика паччахьалкхен 3-ча класса советник;
5) граждански служба г1улакхий лакхехьарча группана - Г1алг1ай Республика бокъонца вола паччахьалкхен 3-ча класса советник.

Статья 6
Эггара хьалхара классни чин лу граждански г1улакхерча сага испытани толаме чакхъяьнначул т1ехьаг1а, х1аьта нагахьа санна испытании яь еце граждански г1улакхера саг граждански служба Г1улакхе хьожаваьчул т1ехьаг1а кхо бутт баьнначул т1ехьаг1а.

Арг1анара классни чин граждански Г1улакхерча сага лу хьалхара классни чин долаш граждански г1улакх дара оттаяь ха чахъяьнначул т1ехьаг1а а граждански г1улакхерча сага лушдолча классни чина нийсса е кхы а лакхаг1а классни чин шийна белгалдаь граждански служба г1улакх цо леладара хьале а.

Статья 7
Граждански г1улакх леладара оттаю ер ханаш:
1) Российски Федераце паччахьалкхен граждански служба 3-чеи 2-чеи класса секретара, Российски Федераце паччахьалкхен граждански служба 3- чеи 2-чеи класса референта классни чинашта - цхьа шу;
2) Российски Федераце паччахьалкхен граждански служба 3-чеи 2-чеи класса советника, Г1алг1ай Республика паччахьалкхен 3-чеи 2-чеи класса советника классни чинашта - ши шу;
3) Г1алг1ай Республика бокъонца волча паччахьалкхен 3-чеи 2-чеи советника классни чинашта - цхьа шу;
4) Российски Федераце паччахьалкхен граждански служба 1-ча класса секретара, Российски Федераце паччахьалкхен граждански служба 1-ча класса референта, Российски Федераце паччахьалкхен граждански служба 1-ча класса советника, Г1алг1ай Республика паччахьалкхен 1-ча класса советника классни чинашта ханаш увттаяц.
Классни чин данначун граждански службера ха ларх1а йолаю классни чин даннача дийнахьа денз.

Статья 8
Граждански служба лакхерча г1улакха т1а граждански г1улакхера саг хьожавеш хилча цунна дала тарлу арг1анара классни чин, нагахьа санна хьалхарча классни чине волаш граждански службе хилара укх Закона 3-ча статья т1а оттаяь ха чакхъяьнна яле а граждански г1улакхерча сага луш долча классни чина нийсса е лакхаг1а классни чин граждански служба цу г1улакха белгалдаь хьалаш дале а.
Граждански службе хьалхаг1а леладаьчул лакхаг1ча группаг1а лаьрх1ача граждански служба г1улакха т1а граждански г1улакхера саг хьожавеш белгалваьча г1улакхерча сага дала йиш я укх Закона 6-ча статьяга хьежжа граждански служба г1улакхий цу группана эггара хьалхара дола классни чин, нагахьа санна из классни чин граждански Г1улакхерча сага долча классни чинал лакхаг1а дале. Белгалъяь моттиг нийсъялча классни чин лу ца1 шоллаг1чоа т1ехьа хиларга ца хьежаши хьалхарча классни чине волаш граждански службе хилара ха теркал ца еши.
Укх пунктага хьежжа граждански г1улакхерча сага классни чин лу оттаяь хинна еце граждански служба г1улакха т1а из хьожаваьчул т1ехьаг1а кхо бутт баьлча мара лац.

Статья 9
"Специалисташ" а "1алашо еш бола специалисташ" а яхача категорех бокъоний ха хаьда йоацаш граждански служба Г1улакх, х1аьта иштта граждански служба г1улакхий керттерчеи ведущий группех лоарх1ача "кулгалхой" яхача категорех граждански служба г1улакх леладеш болча граждански служба наха классни чин лу цар квалификационни экзамен д1аянначул т1ехьаг1а.
Граждански служба Г1улакхий лакхерча группах лаьрх1ача "кулгалхой" яхача категорех бокъоний ха хаьда йоацаш граждански служба г1улакхаш леладеча граждански г1улакхерча наха классни чинаш тел квалификационни экзамен д1аянначул техьаг1а, нагахьа санна цу граждански г1улакхерча саго квалификационни экзамен д1аянна хилара хьакъехьара решени паччахьалкхен органа кулгалхо волча цу наниматела викало е Г1алг1ай Республика ц1ераг1а наниматела викала бокъонаш кхоачашъеча цу кулгалхочун викало т1аийца яле.

Статья 10
Г1алг1ай Республика бокъонца волча паччахьалкхен 3-ча, 2-ча, 1-ча класса советника классни чинаш тел граждански Г1улакхерча наха Г1алг1ай Республика Президента.
Статья 11
Укх Закона 11-ча статья т1а белгалдаь классни чинаш тел:
1) балха кулгал дер Г1алг1ай Республика Президент волча исполнительни 1аьдала органашка - цу органий кулгалхой представленег1а, исполнительни 1аьдала кхыча органашка Г1алг1ай Республика Правительства представленег1а;
2) кхыча паччахьалкхен органашка е аппараташка - цу органий кулгалхой представленег1а.

Статья 12
Г1алг1ай Республика паччахьалкхен 3-ча, 2-ча, 1-ча советника классни чинаш тел граждански г1улакхерча наха:
1) исполнительни 1аьдала органашка - Г1алг1ай Республика Президента Г1алг1аи Республика Правительства представленег1а;
2) кхыча паччахьалкхен органашка - Г1алг1ай Республика Президента органа кулгалхочун представленег1а.

Статья 13
Российски Федераце паччахьалкхен граждански служба 3-ча, 2-ча 1-ча класса советника, Российски Федераце паччахьалкхен граждански служба 3-ча, 2-ча, 1-ча класса референта, Российски Федераце, паччахьалкхен граждански служба 3-ча, 2-ча, 1-ча класса секретаря классни чинаш тел граждански г1улакхерча наха паччахьалкхен органа кулгалхо волча наниматела викало е Г1алг1ай Республика ц1ераг1а наниматела викала бокъонаш кхоачашъеча цу кулгалхочун викало.

Статья 14
Граждански г1улакхерча наха классни чинаш тел Г1алг1ай Республика Президента, паччахьалкхен органа кулгалхочун е белгалваьча кулгалхочун викала актага хьежжа.
Классни чин далара хьакъехьара йоазув д1аязду граждански г1улакхерча сага лични дела т1еи къахьегама книжка т1еи.

Статья 15
Граждански службе къаьстта белгала х1амаш карахдаларах хоаставара хьисапе граждански г1улакхерча сага классни чин дала йиш я:
1) доагг1аш долча классни чине волаш граждански г1улакхе хила укх Закона 8-ча статья т1а оттаяь ха чакхъялале, цхьабакъда граждански службе г1улакх леладеш ялх бутт чакхбаьнначул т1ехьаг1а - граждански служба г1улакха доаг1ачул лакхаг1а доаца классни чин;
2) оттаяь ха чакхъяьнначул т1ехьаг1а - леладу г1улакх чудоаг1ача граждански служба г1улакхий группа доазонашка граждански службе леладеча г1улакха доаг1ачул цхьа лаг1а лакхаг1а дола классни чин.

Статья 16
Арг1анара классни чин лац дисциплинарни бехк баьча граждански г1улакхерча наха, х1аьта иштта служебни тохкам беш е уголовни дош суде дувцийта оттадаь болча граждански г1улакхерча наха.

Статья 17
Граждански г1улакхерча сага данна хинна классни чин юхедус граждански службе леладаьча г1улакха т1ара из мукъавалийтача а граждански службера мукъаваьлча а (цу даькъе пенсе вахарца дувзаданна а), х1аьта иштта юха граждански службе эттача а.
Граждански г1улакхерча сагагара классни чин д1адаккха йиш я суда рещенег1а доккха е къаьстта доккха зулам дарах суд йича.

Статья 18
Классни чин даларца дувзаданнача дешаех дола инвидуальни служебни къовсамаш къестаду Российски Федераце законодательствага хьежжа.

Статья 19
Г1алг1ай Республика Президентага ший нормативни бокъоний акташ укх Законага хьежжа нийсъе ала.

Статья 20
Ер Закон ч1оаг1аденна д1аотт ер официально кепатехача диййнахьа денз.

Г1алг1ай
Республика Президент М. М. ЗЯЗИКОВ
Г. Магас
30 ноября 2005 шера
№ 46-рз

"Г1алг1ай Республика
паччахьалкхен служба классни
чиний хьакъехьарча" Г1алг1ай
Республика Закона йола
Приложени
Г1алг1ай Республика паччахьалкхен
г1улакхерча наьха квалификационни разрядаш "Г1алг1ай Республика паччахьалкхен граждански служба хьакъехьарча" Г1алг1ай Республика паччахьалкхен граждански служба классни чинашца нийсъяра
таблица



Г1АЛГ1АЙ РЕСПУБЛИКА ЗАКОН

Г1алг1ай Республика паччахьалкхен граждански служба хьакъехьа
Таийцад
Г1алг1ай Республика
Халкъа Гуллама 17 ноябре 2005 шера
Укх законо нийсъю Российски Федераце законодательствага хьежжа Г1алг1ай Республика паччахьалкхен граждански служба лелаелга в1ашт1ехьдаларца ювзаенна юкъамоттигаш.

Статья 1. Керттера терминаш
Укх Законе кхоачашде лерх1арашта лелаеча терминий ма1ан:
1) Г1алг1ай Республика паччахьалкхен г1улакхаш - Г1алг1ай Республика паччахьалкхен органий бокъонаш юкъарчал доаццаш кхоачашъяра Г1алг1ай Республика Конституце, Г1алг1ай Республика законаша увттадеш дола г1улакхаш;
2) наниматела викал - паччахьалкхен органа кулгалхо, паччахьалкхен г1улакх леладу саг, е белгалваьча кулгалхочун е Г1алг1ай Республика ц1ераг1а наниматела бокъонаш кхоачашъеш болча наьха викал.

Статья 2. Г1алг1ай Республика паччахьалкхен граждански служба
1. Г1алг1ай Республика паччахьалкхен граждански служба (д1ахо -граждански служба - Г1алг1ай Республика паччахьалкхен органий бокъонаш кхоачашъелга 1алашдара долча Г1алг1ай Республика паччахьалкхен граждански служба г1улакхашкара (д1ахо - граждански служба г1улакхаш) Российски Федераце гражданий, (д1ахо - гражданаш) Г1алг1ай Республика паччахьалкхен г1улакхаш леладеча гражданий (кадрови резерве хилари кхыйола моттигаши чу а лоацаш) профессиональни г1улакхера болх.

Статья 3. Г1алг1ай Республика паччахьалкхен граждански г1улакхера саг
Г1алг1ай Республика паччахьалкхен граждански г1улакхера саг (д1ахо - граждански г1улакхера саг) - Г1алг1ай Республика граждански служба лелае шийна декхар д1ат1аийца вола Российски Федераце гражданин. Г1алг1ай Республика граждански г1улакхерча саго Г1алг1ай Республика граждански служба г1улакха т1а волаш кхоачашбу профессиональни служебни болх г1улакха т1а хьожавара хьакъехьарча актага а служебни контрактага а хьежжа, х1аьта ше лелаварах республикански бюджета средствай чотаг1а ахча а ийду.

Статья 4 . Граждански г1улакха принципаш
Граждански г1улакха принципаш я:
сагеи гражданинеи бокъоний а парг1атоний а приоритет;
федеральни граждански службаи Г1алг1ай Республика граждански службами бокъоний а организационни а лардаш цхьатарра хилар;
3) Российски Федераце паччахьалкхен мотт ховш болча гражданий граждански службе хила цхьатарра йиш хилар а из леладе цхьатарра хьалаш хилар а ма1а-кхал хиларах, расах, къамах, хьаваьннача моттигах, таро хилареи карарча г1улакхеи хьалах, вахача моттигах, моллаг1а ди лелабарах, тешаш хиларах, общественни объдиненешта чувоаг1аш хиларах, х1аьта иштта профессиональни а г1улакхий говзалца дувзаданна доацача кхыча х1амаех тийша х1ама доацаш;
4) граждански г1улакхерча наьха профессионализми компетентности;
5) граждански г1улакх хувцалуш доацаш хилар;
6) граждански г1улакха хьакъехьарча информацена т1акхача атта хилар;
7) общественни объединенешцеи гражданешцеи в1аши д1а-юха г1улакхаш леладар;
8) граждански г1улакхера нах цар профессиональни г1улакха балха бокъонаг1а доацаш юкъег1ертарах лорабеш хилар.

Статья 5. Паччахьалкхен граждански служба бокъон лард нийсъяр
Граждански службаца ювзаенна юкъамоттигаш нийсъелга кхоачашду:
1. Российски Федераце Конституце;
2. "Российски Федераце паччахьалкхен служба система хьакъехьарча" Федеральни законо;
3) "Российски Федераце паччахьалкхен граждански служба хьакъехьарча" Федеральни законо;
4) кхыча федеральни законашеи Российски Федераце кхыйолча нормативни бокъоний акташеи;
5. Г1алг1ай Республика Конституце;
6. Укх Законе;
7. Г1алг1ай Республика кхыча законошеи кхыча нормативни бокъоний акташей;
8. паччахьалкхен органий нормативни бокъоний акташ.

Статья 6. Граждански служба г1улакхаш
Граждански служба г1улакхаш оттаду Г1алг1ай Республика Президента указо паччахьалкхен органа е паччахьалкхен г1улакх леладеча сага полномочеш кхоачашъелга 1алашдар духьа "Российски Федераце паччахьалкхен гажданске служба хьакъехьарча" Федеральни закона положенеш теркал а еш.

Статья 7. Граждански служба г1улакхий классификации
1.Граждански служба г1улакхаш декъалу категорештеи группаштеи.
2.Граждански служба г1улакхаш декъалу укх категорешта:
1) кулгалхой - паччахьалкхен органий а цар структурни подразделенеи а (д1ахо - подразделени) кулгалхойи кулгалхои заместителийи г1улакхаш, паччахьалкхен органий представительстваи а цар подразделенеи а кулгалхои заместителийи бокъоний хаьдда ха йолаш е бокъоний ха доазув оттадаь йолаш леладу г1улакхаш;
2) г1ончаш (советникаш) - паччахьалкхен г1улакхаш леладеча наха, паччахьалкхен органий кулгалхошта, паччахьалкхен органии представительстваи кулгалхошта цар бокъонаш кхоачашъе гlo дара оттадеш а белгалбаьча наьхеи кулгалхойи бокъонаш хаьдда ха йолаши доазув оттадаь ха йолаши леладеш а дола г1улакхаш;
3) специалисташ - паччахьалкхен органаша оттадаь декхараши функцеши кхоачашъелга профессиональни 1алашдара оттадаьи бокъоний ха хаьдда йоацаш леладеши дола г1улакхаш;
1) 1алашо еш бола специалисташ - паччахьалкхен органий болх
организационно информационни, документационни, финансово-экономически, боахама, кхы тайпа 1алашбара оттадеши бокъоний ха доазув доацаш лелаеши дола г1улакхаш.
3. Граждански служба г1улакхаш декъалу укх группашта:
1.- граждански служба лакхера г1улакхаш;
2.- граждански служба керттера г1улакхаш;
3.- граждански служба ведущи г1улакхаш;
4.- граждански служба доккхаг1дола г1улакхаш;
5.- граждански служба з1амаг1дола г1улакхаш;
4. "Кулгалхой" а "г1ончаш (советникаш)" яхача категорей г1улакхаш декъалу граждански служба лакхерча, керттерча, ведущи г1улакхий группашта.
"Специалисташ" яхача категоре г1улакхаш декъалу граждански служба лакхерча, керттерча, ведущи, доккаг1долча г1улакхий группашта.
6. "1алашо еш болча специалистий" категорей г1улакхаш декъалу граждански служба керттерча, ведущи, доккхаг1долча, з1амаг1долча г1улакхий группашта.

Статья 8. Г1алг1ай Республика паччахьалкхен граждански служба г1улакхий Реестраш
1. Паччахьалкхен органашка, категорешка, группашка, х1аьта иштта кхыдолча бахьанех классификации яь дола Г1алг1ай Республика паччахьалкхен граждански служба г1улакхех латт Г1алг1ай Республика паччахьалкхен граждански служба г1улакхий Реестра разделаш йола Г1алг1ай Республика паччахьалкхен граждански служба г1улакхий перечнеш. Г1алг1ай Республика паччахьалкхен граждански служба г1улакхий Реестр ч1оаг1ъю Г1алг1ай Республика Президента указаг1а, "Российски Федераце паччахьалкхен граждански служба хьакъахьерча" Федеральни закона положенеш, х1аьта иштта паччахьалкхен органий структураш Российски Федераце паччахьалкхен граждански служба г1улакхий ц1ераш, категореш, группаш, федеральни паччахьалкхен граждански служба Реестро оттадаь г1улакхаш теркал а деш.
2. Г1алг1ай Республика паччахьалкхен граждански служба г1улакхий Реестр Российски Федераце паччахьалкхен граждански служба г1улакхий Сводни реестра дакъа да.

Статья 9. Граждански служба классни чинаш
1.- Граждански служба классни чинаш тел граждански г1улакхерча наха граждански службе леладеча г1улакхага хьежжа граждански служба г1улакхий группа доазонашка.
2.- Бокъоний ха доазув долаш йоацаш граждански служба г1улакхаш леладеча граждански г1улакхерча наха классни чинаш тел д1аяннача квалификационни экзаменах хьахиннарашка хьежжа.
3.- Г1алг1ай Республика паччахьалкхен граждански служба лакхерча группа г1улакхаш леладеча граждански г1улакхерча наха граждански служба классни чин лу Г1алг1ай Республика 1, 2, е 3-ча класса бокъонца вола паччахьалкхен советник.
4.- Г1алг1ай Республика паччахьалкхен граждански служба керттерча группа г1улакхаш леладеча граждански г1улакхерча наха граждански служба классни чин лу - Г1алг1ай Республика 1, 2 е 3-ча класса паччахьалкхен советник.
5.- Г1алг1ай Республика паччахьалкхен граждански служба ведущи группа г1улакхаш леладеча граждански г1улакхерча наха граждански служба классни чин лу - Г1алг1ай Республика паччахьакхен граждански служба 1, 2, е 3-ча класса советник.
6.- Г1алг1ай Республика паччахьалкхен граждански служба йоккхаг1йолча группа г1улакхаш леладеча граждански г1улакхерча наха граждански служба классни чин лу - Г1алг1ай Республика паччахьалкхен граждански служба 1, 2, е 3-ча класса референт.
7.- Г1алг1ай Республика паччахьалкхен граждански служба з1амаг1йолча группа г1улакхаш леладеча граждански г1улакхерча наха граждански служба классни чин лу - Г1алг1ай Республика паччахьалкхен граждански служба 1, 2, е 3-ча класса секретарь.
8. Граждански служба лакхерчеи керттерчеи группай г1улакхаш леладеча граждански г1улакхерча наха граждански служба классни чин лу Г1алг1ай Республика Президента.
9. Укх статьяй 5, 6, 7 доакъош т1а белгалдаь граждански служба классни чинаш лу наниматела викало.
10. Г1алг1ай Республика паччахьалкхен граждански служба классни чинаш телареи метталоаттадареи порядок белгалъю Г1алг1ай Республика законо.

Статья 10. Граждански служба г1улакхашкара квалификационни д1адехараш
Граждански служба г1улакхашкара квалификационни хьадехараш чудоаг1а профессиональни дешара боарамгара, граждански служба (паччахьалкхен служба кхыча тайпай) стажагара е специальностаг1а болх бара стажагара (опытагара), г1улакхера декхараш кхоачашдара хиланза яргйоацача профессиональни знанешкара а навыкашкара а хьадехараш.
2.- Граждански служба г1улакхашкара квалификационни хьадехараш оттаду граждански служба г1улакхий категорешкеи группашкеи хьежжа.
3.- Граждански служба г1улакхий ерригача группай "кулгалхой", "г1ончаш (советникаш)", "специалисташ" яхача категорей, х1аьта иштта керттерчеи ведущий группай "1алашо еш бола специалисташ" яхача категоре а граждански служба г1улакхашкара квалификационни д1адехарашта чудоаг1аш да лакхера профессиональни образовани хилар.
4.- Граждански служба г1улакхий йоккхаг1йолчеи з1амаг1йолчеи группай "1алашо еш бола специалисташ" яхача категоре граждански служба г1улакхашкара квалификационни хьадехарашта чудоаг1аш да балха лостамга хьежжа юкъера профессиональни образовани хилар.
5.- Г1алг1ай Республика граждански г1улакхерча наха граждански служба (граждански служба кхыча тайпай) стажагара е специальностаг1а беча балха стажагара (опытагара) квалификационно хьадехараш оттаду:
1) "кулгалхой" "г1ончаш (советникаш)", "специалисташ" яхача кате горег1 арча граждански служба лакхерча г1улакхашта лакхера профессиональни образовани, граждански служба керттерча г1улакхашка хинна шин шерал к1езигаг1а йоацаш балха стаж, х1аьта иштта специальностаг1а кхаь шерал к1езигаг1а йоацаш балха стаж;
2) "кулгалхой" "г1ончаш (советникаш)", "специалисташ", "1алашо еш бола специалисташ" яхача категорег1арча граждански служба керттерча г1улакхашта - лакхера профессиональни образовани, граждански службе ведущи г1улакха т1а волаш шин шерал к1езигаг1а йоацаш граждански служба (паччахьалкхен служба кхыча тайпай) стаж е специальностаг1а кхаь шерал к1езигаг1а йоацаш болх баь стаж;
3) "кулгалхой" "г1ончаш (советникаш)", "специалисташ", "1алашо еш бола специалисташ" яхача категорег1арча граждански служба ведущи г1улакхашта - лакхера профессиональни образовании, шин шерал к1езигаг1а йоацаш граждански служба лакхерча г1улакхашка волаш граждански служба (паччахьалкхен служба кхыча тайпай) стаж е кхаь шерал к1езигаг1а йоацаш специальностаг1а болх баь стаж;
4) "специалисташ", яхача категорег1арча граждански служба доккхаг1ча г1алакхашта - лакхера профессиональни образовани, кхаь шерал к1езигаг1а йоацаш специальностаг1а баьча балха стаж;
5) "1алашо еш бола специалисташ" яхача категорег1арча граждански служба доккхаг1чеи з1амаг1чеи г1улакхашта - балха эшшача лостамаг1а йола юкъера профессилональни образовании, балха стаж хиланза яргьяц аьнна доацаш.
6. Г1улакхера декхараш кхоачашдара хиланза яргйоацача профессиональни знанешкареи навыкашкареи квалификационни хьадехараш оттаду паччахьалкхен органа нормативни актаг1а цун декхараши функцеши теркал а еш, граждански г1улакхерча сага г1улакхерча регламента юкъе а йохийт (д1ахо - г1улакхера регламент).

Статья 11. Доходий хьакъехьара, боахамеи боахама хьисаперча декхарийи хьакъехьара сведенеш д1ачутелар
1. Гражданина граждански г1улакхе отташ, х1аьта иштта граждански г1улакхерча саго отчетни шера т1ехьадоаг1ача шера 30 апрелал т1ехьа ца йоалийташ xlapa шера наниматела викалга д1ател доходий хьакъехьара, боахамеи боахама хьисаперча декхарийи хьакъехьара сведенеш.
2. Налогаш тохара объекташ йолаш граждански Нулакхерча саго д1аийцача доходий доалахьа хилара бокъонаг1а цун кара болча бохамеи хьакъехьа граждански г1улакхерча сага боахама хьисаперча декхарий хьакъехьара сведенеш д1ачутелара хьакъехьара положени ч1оаг1ъю Г1алг1ай Республика Президента указаг1а "Российски Федераце паччахьалкхен граждански служба хьакъехьарча" д1адехараш теркал а деш.


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru