новости веб-чат СЕРДАЛО карта заставка
 







  Общенациональная газета Республики Ингушетия Сердало  


  Общенациональная газета Республики Ингушетия Сердало
 

  2 страница

ОБЩЕНАЦИОНАЛЬНАЯ ГАЗЕТА РЕСПУБЛИКИ ИНГУШЕТИЯ

Выходит с 1 мая 1923 года; № 71 (9592); четверг, 7 июля 2005 года

ГIАЛГIАЙ РЕСПУБЛИКА ЗАКОН

Ветеринаре хьакъехьа


Т1аийцад
Г1алг1ай Республика Халкъа Гулламо 9 июне 2005 шера
Укх Законо белгалъю бокъоний, экономически, социальни юкъара лардаши
Г1алг1ай Республике ветеринарни г1улакх кхоачашдара ца1аш йола организационни принципаши, нийсъю доалахьен дуккхача тайпайи формайи хьалашка са доаллача х1амашта ветеринарни г1улакх дара общественни юкъамоттигаш.

Корта I. ЮКЪАРА ПОЛОЖЕНЕШ
Статья 1. Г1алг1ай Республикера ветеринари
Укх Закона т1а ветеринари кхетае йоаг1а са доаллача х1амашта, юртбоахама, коа т1ара, зоопаркашкара, кхыдола са доалла х1амаш, дика ц1окилгаш хула оакхарий, оалхазараш, чкъаьрий, нокхара мозий (д1ахо - са доалла х1амаш) чу а лоацаш, лазараш ца хилийтара а царна дарба дара а т1аберзабаь беш бола болх ветеринарега диллача дика а кхераме йоаца а хьайбай продукташ арахецара, сагеи са доаллача х1амайи юкъара долча лазарех баха нах лорабар санна.
Г1алг1ай Республике ветеринаре керттера декхараш да: карантинни а къаьстта кхераме дола а (ветеринарнии фитосанитарнии т1ахьожама Федеральни служба ч1оаг1ъяьча перечнег1а) са доаллача х1амай, юртбоахама, коа т1ара, зоопаркашкара, кхыдола са доалла х1амаш, дика ц1окилгаш хула оакхарий, оалхазараш, чкъаьрий, нокхара мозий чу а лоацаш, лазараш ца хилийтараи д1адахараи йола мероприятеш чакхъяхари са доаллача х1амашта ветеринарни г1улакх дара республикански планаш кхоачашъяри;
ветеринаре даькъе специалисташ кийчбар, ветеринарена лаьрх1а препараташи технически средстваши арахецар, х1аьта иштта ветеринаре проблемех 1илман тохкамаш делга в1ашт1ехьдаккхар;
ветеринарни законодательство исполнительни 1аьдала органашкеи г1улакхаш т1арча нахагеи, предприятешка, учрежденешка, организацешка, кара хилари доалахьен формаши моллаг1ча тайпара яле а кхыча боахамаш леладеча субъекташка, общественни объединенешка, дунен халкъашта юкъерча организацешка, кхыча мехкий объединенешка, кхыча мехкий юридически субъекташка, Российски Федераце гражданашка, кхыча мехкий гражданашка, гражданство йоацача нахага - са доалла х1амаши хьайбай продукташи доалахьа ярашка (д1ахо - предприятеш, учрежденеш, организацеш, гражданаш) нийса леладайтара т1ахьожам лоаттабар;
Г1алг1ай Республика доазонел арахьара са доаллача х1амай кхераме лазараш хьачу ца ухийташ Г1алг1ай Республика территори лораяр; паччахьалкхен ветеринарни т1ахьожам лоаттабар. Ветеринаре даькъера декхараш Г1алг1ай Республике кхоачашду кулгалдара ший ло1амера орган йолча, са доаллача х1амай лазараш ца хилийтараи сагеи са доаллача х1амайи юкъара долча лазарех баха нах лорабелга 1алашдараи бола Г1алг1ай Республика Паччахьалкхен ветеринарни служба болх в1ашт1ехьбоаккхача Г1алг1ай Республика ветеринарни Управлене, х1аьта иштта оттаяьча порядкаг1а ветеринарни даькъе аккредитованни болча специалисташа а.
Статья 2. Г1алг1ай Республика ветеринарни законодательство Г1алг1ай Республика ветеринарни законодательство Российски Федераце Конституце, Г1алг1ай Республика Конституце, "Ветеринаре хьакъехьарча" Российски Федераце Закона ларда т1а латташ а укх Законеи кхыча нормативни бокъоний актехи латташ а да.
Статья 3. Ветеринаре даькъера Г1алг1ай Республика бокъонаш
Г1алг1ай Республика леладеш дарех да:
республикански ветеринарни законодательство;
са доаллача х1амай карантинни а къаьстта кхераме дола а лазараш (ветеринарнии фитосанитарнии т1ахьожама йолча Федеральни служба а Г1алг1ай Республика ветеринарни Управлене а оттаяьча перечнег1а) ца хилийтараи д1адахараи, ветеринаре проблемашта 1илман тохкамаш дара йола республикански целевой программаш кийчъелгеи ч1оаг1ъелгеи, х1аьта иштта уж кхоачашъяра т1ахьожам лоаттабелга а;
ветеринаре даькъера республикански программаш Г1алг1ай Республика территоре т1а в1ашаг1ъехкалгеи кхоачашъелгеи;
Г1алг1ай Республика Паччахьалкхен ветеринарни Управлене болх в1ашт1ехьбоаккхилгеи 1алашбелгеи;
г1улакх дайта т1ач1оаг1ъяьча территореш т1а са доаллача х1амашта д1а-юха дувлеи дуккха даьржа д1а-юха ца дувлеи лазараш хьахилараи д1адаржараи кхераме йолаш моттигаш нийслой паччахьалкхен керттерча ветеринарни инспекторий, цар заместителий представленешка хьежжа Г1алг1ай Республика Правительства, моттигерча самоуправлене органаша доазув оттадеш мероприятеш (карантин) юкъейоалаю;
Г1алг1ай Республика доазонел арахьара са доаллача х1амашта хула д1адаржаш дола лазараш хьачукхухьаргдоацаш Г1алг1ай Республика территори лораелга; ветеринаре дешашт1а г1олла Г1алг1ай Республика территоре т1а аккредитированни йолча гуманитарни организацешца цхьана г1улакхаш леладелга;
ветеринарни служба специалисташ кийчбари цар говзал лакхъяккхари в1ашт 1ехьдоаккхилга.
Г1алг1ай Республика ший ло1амаг1а къестаду ветеринаре дешаш, шоаш къоастаделга Российски Федераце кара дола дешаш ца лаьрх1ача.
Статья 4. Ветеринарни болх лелабара йола бокъо Ветеринарни болх лелабе бокъо йолаш ба лакхереи юкъереи ветеринарни образовани йола ветеринарни даькъера специалисташ.
Ветеринарни лораш шоай герга печать йолаш ба.
Предпринимательски болх лелабеш бола ветеринарни даькъера специалисташ декхарийла ба районнии городскойи станцешка регистраци яйта хила. Ветеринаре даькъера специалисташ шоай профессиональни балха т1ехь лелаш долча ветеринарни законодательствах болх беш ба, цар балха Г1алг1ай Республика ветеринарни Управлене йоагг1аш йолча органаша т1ахьожам лоаттабеш ба.
Ветеринарни болх лелабара оттаяь нормаши правилаши толхаяь моттигаш нийслой ветеринаре даькъера специалисташ бехктокхама к1ал отт лелаш долча законодательства белгалъяьча порядкаг1а.
Корта II. Г1АЛГ1АЙ РЕСПУБЛИКА ВЕТЕРИНАРНИ УПРАВЛЕНИ
Статья 5. Г1алг1ай Республика ветеринарни Управлени в1ашт1ехьъяккхар
1. Г1алг1ай Республика ветеринарни Управлене декхараш да: са доаллача
х1амашта хула д1а-юха дувла а дуккха д1адаьржа д1а-юха дувлаш доаца а лазараш ца хилийтари д1адахари;
санитарни даькъе хьайбай продуктай кхерамзле 1алашъяр; сагаи са доаллача х1амайи юкъара долча лазарех баха нах лорабар; республика доазонел арахьара са доаллача х1амай д1а-юха дувла лазараш хьачукхахьарах Г1алг1ай Республика территори лораяр.
2. Г1алг1ай Республика ветеринарни Управлене системана чуйоаг1а: районнии городскойи ветеринарни станцеш, царна карайола участкови ветеринарни лечебницаш, ветеринарни участкаш, ветеринарни пункташ, ветеринарно-санитарни экспертиза лаборатореш а йолаш;
са доаллача х1амашта хулача лазарашцарча къовсама йола районнии городскойи станцеш;
республиканскии районнии ветеринарни лаборатореш; паччахьалкхен доазон т1ара ветеринарно-контрольни пункташ.
3. Ветеринарни Управлене начальник - Г1алг1ай Республика Керттера паччахьалкхен ветеринарни инспектор г1улакха т1а отта а ву г1улакха т1ара мукъа а воалийт Российски Федераце Керттерча паччахьалкхен ветеринарни инспектораца барта а йолаш Г1алг1ай Республика Правительства.
Г1алг1ай Республика Паччахьалкхен ветеринарни служба подразделеней кулгалхой г1улакха т1а оттабелгеи г1улакха т1ара мукъабовлийталгеи ду Г1алг1ай Республика ветеринарни Управлене начальника - Г1алг1ай Республика Керттерча паччахьалкхен ветеринарни инспектора. Городийи районийи ветеринарни службай кулгалхой цу цхьан ханна хул городийи районийи паччахьалкхен ветеринарни инспектораш.
4. Г1алг1ай Республика ветеринарни Управленена финансировани елгеи из материально-технически 1алашъелгеи кхоачашду республикански бюджета средствай чотаг1а.
Статья 6. Г1алг1ай Республика ветеринарни Управлене специалисташ социальни хьаллацар Г1алг1ай Республика паччахьалкхен ветеринарни служба специалисташ социальни хьаллацара мераш оттае йиш я Российски Федерацеи Г1алг1ай Республикаи законодательствага хьежжа.
Корта III. ПАЧЧАХЬАЛКХЕН ВЕТЕРИНАРНИИ ВЕДОМСТВЕНИ ВЕТЕРИНАРНО-САНИТАРНИИ Т1АХЬОЖАМ
Статья 7. Паччахьалкхен ветеринарни т1ахьожам
Паччахьалкхен ветеринарни т1ахьожам - из ветеринарни законодательство телхаделга ца хилийтара, гучадаккхара, юхатохара наькъаг1а са доаллача х1амай лазарашта профилактика яраи ветеренарега диллача хьайбай продуктай кхерамзле 1алашъяраи Г1алг1ай Республика Паччахьалкхен ветеринарни служба управлене органий, учрежденей, организацей болх ба.
Паччахьалкхен ветеринарни т1ахьожамо чулоац:
са доаллача х1амай д1а-юха дувла а дуккха хулаш дола д1а-юха ца дувла а лазараш хьахилара а д1адаржара а бахьанаши хьалаши оттадар;
противоэпизоотически мероприятеш в1ашт1ехьъяхар, сагеи са доаллача х1амайи юкъара долча лазарий очагаш ца хилийтара а д1аяхара а, Г1алг1ай Республика доазонел арахьара са доаллача х1амай д1а-юха дувла лазараш хьчукхухьаргдоацаш Г1алг1ай Республика территори лораяра мераш а чулоацаш; предприятеша, учрежденеша, организацеша, гражданаша организационно-производственни а ветеринарно-профилактически а мероприятеш яра, лелаш йола ветеринарни бокъонаш цар нийса лелаяра лоаттабу т1ахьожам; ветеринарни законодательство телхаделга юхатохара йола мероприятеш кхоачашъяри укх Законо оттаяь санкцеш юкъейоалаяри.
Паччахьалкхен ветеринарни т1ахьожам лоаттабу укх Закона 5-ча статьяй 3-ча даькъа т1а белгалбаьча г1улакхаш т1арча наха, х1аьта иштта Г1алг1ай Республика ветеринарни Управлене кхыча г1улакхаш т1арча наха, паччахьалкхен ветеринарни т1ахьожама хьакъехьарча лелаш йолча положенеша белгалъяьча порядкаг1а.
Статья 8. Доазон т1арча ветеринарни т1ахьожама пункташка йола Г1алг1ай Республика Керттерча паччахьалкхен ветеринарни инспектора, районий, городий керттерча паччахьалкхен ветеринарни инспекторий бокъонаш Доазон т1арча ветеринарни т1ахьожама пункташка Г1алг1ай Республика Керттерча паччахьалкхен ветеринарни инспектора, районий, городий керттерча паччахьалкхен ветеринарни инспекторий бокъо я:
ветеринарни законодательство мишта кхоачашду хьажар, противоэпизоотическии кхыйолеи ветеринарни мероприятеш чакхъяхар, лелаш йола ветеринарни мероприятеш кхоачашъяр духьа духьале йоаццаш йоагг1аш йолча предприятешка, учрежденешка, организацешка чуаха;
противоэпизоотическии кхыйолеи ветеринарни мероприятеш чакхъяхара хьакъехьа, ветеринарни законодательство телхаделга д1адаккхара доаг1ар хьадеха, х1аьта иштта уж хьадехараш кхоачашдара т1ахьожам лоаттабе а; д1а-юха даржаш дола а дуккханахьа хула д1а-юха даржаш доаца а хьайбай лазараши ветеринарно-санитарни даькъе кхераме йола хьайбай продукташи хьахилара а д1аяржара а бахьанаш, хьалаш гучадаха;
Паччахьалкхен управленеи моттигерча самоуправленеи органашка предложенеш увттае:
Законодательства оттаяьча порядкаг1а чрезвычайни противоэпизоотически комиссеш в1ашаг1йохкара хьакъехьа;
Г1алг1ай Республика цхьаццайолча территореш т1а карантин, хьайбашта хулача д1а-юха даржачеи дуккха хулача д1а-юха даржаш доацачеи лазарий очагаш д1аяржаргйоацаш юхатохараи д1аяхараи т1адерзадаь кхыдола доазонаш оттадара хьакъехьа;
лелаш дола ветеринарни законодательство толхадаь, паччахьалкхен ветеринарни т1ахьожама йоагг1аш йолча органий указанеш кхоачаш ца еш моттигаш нийсъелча предприятей, учрежденей, организацей, гражданий, боахама болх юхасоцабара хьакъехьа, из болх юхасоцабареи сацийтареи хьакъехьа;
къаьстта кхераме долча хьайбай лазарий очагаш д1айоахаш хьайбаш юстара дахара е хьайбай продукташ д1аяхара хьакъехьа;
хьайбашта диагностически тохкамаши эпизоотически хьокхамашта вакцинации яра хьакъехьа решенеш т1аэцар;
д1ахо эшаш йола мероприятеш ялццеи долаш дола ветеринарни законодательства толхамаш д1адаххалцеи хьайбай продукташ хьаелга, лоаттаелга, д1а-юха кхухьалга, йохкалга соцаде е дехка;
Г1алг1ай Республика керттера паччахьалкхен ветеринарни инспектор бокъо йолаш ва Г1алг1ай Республика дакъа а лоацаш ветеринаре дешаех дунен халкъашта юкъера договораш кийчдеча консультанта хьисапе дакъа лоацаш хила.
Корта IV. ХЬАЙБАЙ ЛАЗАРАШ ЦА ХИЛИЙТАРАИ Д1АДАХАРАИ ХЬАЙБАЙ ПРОДУКТАШТА ВЕТЕРИНАРНИ ДАЬКЪЕ КХЕРАМЗЛЕ 1АЛАШЪЯРА ЮКЪАРА Д1АДЕХАРАШ
Статья 9. Хьайбай продукташ яхараи лораеш лоаттаяраи йолча предприятешта планировка яри уж хьаяри Хьайбай продукташ яхараи лораеш лоаттаяраи йолча хьайбаш леладеча комплексашта, птицефабрикашта, дулха комбинаташта, гражданий шоай г1онна долча боахамашта планировка еча а уж хьалдеча а хана белгалдаь хила деза хьайбаш леладараи, хьайбай продукташ лораеш лелаяраи, производственни отходашца а хьайбай д1а-юха дувла лазараш хьалхьедеча х1амашца гонахьара 1алам б1ех ца дайтара дикаг1а дола хьалаш хьаделга. Хьайбай продукташ яхара, чакхъяхара, лораеш лоаттаяра йола предприятеш хьалъе лаьттан участкаш д1аялар, г1ишлош хьалъяра проектни документаци ч1оаг1дар, реконструкци яр, модернизаци яр, эксплуатаце д1аялар хила йиш яц проектни документаци лелаш йолча ветеринарни нормашкеи бокъонашкеи хьежжа йола паччахьалкхен ветеринарни т1ахьожама органий заключенеш йолаш хилча мара.
Статья 10. Хьайбаш леладар, кхабар, царна хий меладар, уж транспортаца е лехкаш д1а-юха кхувлар Ханна е массаза хьайбаш леладара лаьрх1а помещенеш, шоай площадагеи оборудованегеи диллача цар унахц1ено лораяра дика хьалаш 1алашдеш хила йоаг1а.
Предприятеш, учрежденеш, организацеш,гражданаш-хьайбаш леладераш декхарийла ба ветеринарно-санитарни д1адехарашка хьежжа хьайбай могашалаи гонахьарча среданеи кхераме доацача доакъарашцеи хицеи 1алашде.
Доакъараши доакъара добавкаши зене ца хилийтара ветеринарно-санитарни д1адехараши нормаши ч1оаг1 а ю кийч а ю оттаяьча порядкаг1а.
Доакъараш, доакъара добавкаш, цу даькъе традиционни йоацараш а хьае а лелае а йиш яц лаьрхх1а уполномоченни йолча органий сертификат йолаш хилча мара.
Царгара хьадехараш хила йиш яц доаг1аш долча дунен халкъашта юкъерча стандарташа хьадехарел лохаг1а долаш.
Доакъараш, доакъара добавкаш, цу даькъе традиционни йоацараш а, оттадаьча ветеринарно-санитарни д1адехарашка хьежжа йоацараш хьа ца яйташ соцаю е ца йохкийташ юхайоах федеральни законодательства еннача бокъоний доазонашка Г1алг1ай Республика Керттерча паччахьалкхен ветеринарни инспектора, районий, городий керттерча паччахьалкхен ветеринарни инспекторий, ветеринарни т1ахьожама службай решенег1а.
Хьайбаш д1акхувлилга е д1а-юха лехкалга кхоачашде доаг1а паччахьалкхен ветеринарни органаша белгалъяьча маршрутег1а а хьайбай лазараш хьа ца хилийтари ца даржийтари нийса кхоачашдеш а.
Статья 11. Г1алг1ай Республика доазонел арахьара д1а-юха дувла хьайбай лазараш хьачу ца ухийташ Г1алг1ай Республика территори лораяр Г1алг1ай Республике хьачукхахьа йиш я д1а-юха дувла хьайбай лазараш доацача моттигашкара, ветеринарни законодательства д1адехараш нийса кхоачашдеш, могаш дола хьайбаш, х1аьта иштта долча хьайбаех яьха хьайбай продукташ а. Г1алг1ай Республика доазонел арахьара д1а-юха дувла хьайбай лазараш хьачу ца кхахьийтара йола мероприятеш кхоачашъяра Г1алг1ай Республика ветеринарни Управленеи районий а городий а администрацешеи аэропорташка, машиннаькъеи автомобильнии транспорте в1ашаг1ъехк ветеринарни т1ахьожама пункташ.
Статья 12. Хьайбай продукташ кийчъяр, чакхъяхар, лораеш лелаяр, д1а-юха кхахьар, йохкар Ветеринарно-санитарни экспертизах хьахиннарашка диллача хьайбай продукташ бахача наьха унахц1енон кхерамзленна оттадаьча д1адехарашка хьежжаи д1а-юха дувла хьайбай лазараш доацача территоре т1ара хьайоаг1аш а хила еза. Хьайбай продукташ кийчъелга, чакхйоахилга, лораеш лоаттаелга, д1а-юха кхухьалга кхоачашдеш йола предприятеш, учрежденеш, организацеш, гражданаш декхарийла ба белгалдаь д1адехараш кхоачашделга 1алашде.
Статья 13. Вакцинаш, хьайбаш лазарех лорадара йола кхытайпа средстваш хьаяр, юкъейоалаяр, лелаяр Вакцинаш, лазарех са доалла х1амаш лораяра йола кхытайпа средстваш хьае, юкъейоалае, лелае йиш я цу средствашта дола нормативно-технически документаци лелаш йолча ветеринарни бокъонашка хьежжа хилара хьакъехьарча ветеринарни препаратий т1ахьожама, стандартизаце, Ерригроссийски паччахьалкхен 1илма-тохкама института заключене ларда т1а. Вакцинаш, лазарех хьайбаш лорадара йола кхытайпа средстваш хьаелга в1ашт1ехьдоаккх белгалдаь д1адехар теркалдеш а лелаш долча законодательства белгалъяьча порядкаг1а.
Статья 14. Хьайбай д1а-юха дувлача лазарийи дуккхача д1а-юха дувлаш доацача лазарийи очагаш хьахинна моттигаш нийслой исполнительни 1аьдала органий а Г1алг1ай Республика ветеринарни Управлене а декхараш Са доаллача х1амай д1а-юха дувла лазараши дуккха д1а-юха дувлаш доаца лазараши хьахила а д1адаржа а кхерам болаш моттигаш нийсъелча Г1алг1ай Республика Правительства, моттигерча самоуправлене органаша г1улакх де д1ат1ач1оаг1ъяьча территорешта болча керттерча паччахьалкхен ветеринарни инспекторий, цар заместителий представленег1а доазув (карантин) оттадеш мероприятеш ю.
Са доаллача х1амай д1а- юха дувлача а дуккха д1а-юха дувлаш доацача а лазарий очагаш д1а ца яржийтараи д1аяхараи йолча предприятей, учрежденей, организацей, гражданий балха опертивно кулгалдараи координаци яраи Г1алг1ай Республика Правительства а районийи городийи администрацеша а в1ашаг1ъехк оттаяьча порядкаг1а чрезвычайни противоэпизоотически комиссеш. Г1алг1ай Республика исполнительни 1аьдала органаша 1алашду ветеринарни законодательства белгалдаь са доаллача х1амай д1а-юха даржача а дукха д1а-юха даржаш доацача а лазарий очагаш д1аяхара йола лаьрхх1а мероприятеш кхоачашъелга.
Статья 15. Хьайбаш леладеча предприятей, учрежденей, организацей, гражданий а хьайбай продукташ хьаечар а декхараш Хьайбаш могаш хилара кхабара, леладара бехктокхаме ба уж доалахьа долаш, х1аьта хьайбай продукташ ветеринарни даькъе кхераме йоацаш арахецара-уж продукташ хьаераш.
Хьайбаш доалахьа долаш бараши хьайбай продукташ хьаераши декхарийла ба: хьайбашта лазараш ца хулийталга а хьайбай продукташ ветеринарни даькъе кхераме йоацаш хулийталга а 1алашдара боахамеи ветеринарнии мероприятеш кхоачашъе, хьайбай помещенеши хьайбай продукташ, доакъараш лорадеш леладара йола сооруженеши хила йоагг1ача тайпара лелае, хьайбай отходашца гонахьара аре бlex ца яйта;
хьайбаш леладарца, хьайбай продукташ чакхъяхарца, лораеш лелаярца, йохкарца ювзаенна объекташ д1анийсъеш, хьалъеш, эксплуатаце д1алуш зоогигиеническии ветеринарно-санитарнии д1адехараш нийса леладе; ветеринаре даькъерча специалисташа д1адехе хьайбаш уж хьажийта царна т1акхувла, ц1аьхха бежан дежа е цхьан хана дуккха доахан цамогаш хинна моттигаш нийсъелча, х1аьта иштта массаза санна доацаш бежан оамал хувцаенна дале белгалбаьча специалисташка сихха хоам бе; ветеринаре даькъера специалисташ хьакхачалехьа лазар кхийтта хилара дегбуам беш дола хьайбаш хьакъоастадара де дезар де; хьайбаш д1а-юха дигара а доадара а, хьайбай продукташ чакхъяхара, лораеш лелаяра, йохкара оттаяь ветеринарно-санитарни бокъонаш нийса лелае; хьайбашта профилактика яраи цар лазарашца къовсам лоаттабараи мероприятеш яра хьакъехьара ветеринаре даькъерча специалистий указанеш кхоачашъе.
Корта V. САГА ХЬАЙБАЙ А ЮКЪАРА ДОЛЧА ЛАЗАРЕХИ КХАЧАН ПРОДУКТЕХ ХИННАЧА ОТРАВЛЕНЕХ А БАХА НАХ ЛОРАБАР
Статья 16. Хьайбай продукташта ю ветеринарно-санитарни экспертиза Доадаьча хьайбай дулх, дулха а кхыйола а продукташ, шура, шурий продукташ, фуаш, чкъаьра, чкъаьран продукташ, моз, кхыйола дийнача х1амай продукташ ветеринарно-санитарни экспертиза е езаш я кхачана уж мегаргйолаш хилар белгалдаккхар духьа.
Ветеринарно-санитарни экспертиза в1ашт1ехьйоаккхалгеи чакхйоаккхалгеи, кхачана лаьрх1а хьайбай продукташ лелаяра хьалаш цу экспертизах хьахиннарашка хьежжа белгалдоакх лелаш долча законодательствага хьежжа кепатеха арайоахача ветеринарни бокъонаша. Белгалъяьча бокъонаша увттаю предприятеша, учрежденеша, организацеша, гражданаша хьаеши йохкаши, х1аьта иштта торговле предприятеша рынке йохкаш йола хьайбай продукташ шоашка хьежжа хила еза ветеринарно-санитарни нормативаш.
Йохка а лелае а бокъо лац оттаяьча порядкаг1а ветеринарно-санитарни экспертизаг1а чакхъяланза йола доадаьча хьайбай дулх, дулха а кхыйола а продукташ, шура, шурий продукташ, фуаш, чкъаьра, чкъаьран продукташ, моз, кхыйола дийнача х1амай продукташ.
Ц1екий, бекх, хьайбаех яьккха кхыйола сырье тоаяь кийчъяреи лелаяреи порядок белгалъю лелаш йолча ветеринарно-санитарни бокъонег1а. Статья 17. Г1алг1ай Республика ветеринарни Управлене органаша, учрежденеша, огранизацеша санитарно-эпидемиологически надзора Республикански Центраца цхьана д1а-юха г1улакхаш леладар
Г1алг1ай Республика ветеринарни Управлене органаша, учрежденеша, организацеша а санитарно-эпидемиологически надзора Республикански Центра а шоай компентенце доазонашка кхоачашду сагеи хьайбайи юкъа долча лазарехи кхачан отравленехи баха нах лорабара дешашта массаза цхьана г1улакхаш леладелга.

Корта VI. Г1АЛГ1АЙ РЕСПУБЛИКА ВЕТЕРИНАРНИ ЗАКОНОДАТЕЛЬСТВО ТОЛХАДАРАХ БОЛА БЕХКТОКХАМ
Статья 18. Г1алг1ай Республика ветеринарни законодательство толхадарах бола бехктокхам
Ветеринарни законодательство толхадарах бехке бола г1улакхаш т1ара нах,
гражданаш дисциплинарни, административни, уголовни, кхыча бехктокхама к1ала
отт лелаш долча законодательствага хьежжа.
Штрафаш теха а кхыча а бехктокхама к1алъэттабар аьнна бехке бола нах
к1алхара бовлац Российски законодательства оттаяьча порядкаг1а хинна зе
меттаоттадара долча декхарах.
Статья 19. Т1еххьара положенеш
Ер Закон ч1оаг1денна д1аотт ер официально кепатехача дийнахьа денз.

Г1алг1ай Республика
Президент М. ЗЯЗИКОВ
г. Магас
23 июне 2005 шера
№ 28-рз



Г1АЛГ1АЙ РЕСПУБЛИКА ЗАКОН

Бераш-бойи даьй доал доацаш диса бераши
социальни хьаллацара г1улакхий хьакъехьа

Т1аийцад
Г1алг1ай Республика
Халкъа Гулламо 9 июне 2005 шера

Укх Законо оттаду бераш-бойи даьй доал доацаш диса бераши социальни хьаллацара г1улакхаш дара хьалаши порядоки.
Статья 1. Бераш-бойи доал доацаш диса бераши социальни хьаллацар
1. Берашта-бошта а даьй доал доацаш дисача берашта а лаьрх1а опекунашта xlapa бетта тел социально хьаллацара укх г1улакхашта компенсаци яра пособи:
городскойи юртарча моттиге района чурча пригороднии автомобильни транспортаца (такси йоацаш) мах боацаш д1а-юха лелара; кхачана, барзкъаш, кога г1ирс, к1аьда инвентарь, оборудовани эцара еш йола расходаш x1apa бетта меттаоттаяра.
2. Профессиональни образоване учрежденешка деша отташ берашта-боштеи даьй доал доацаш дисача бераштеи x1apa бетта пособи тел.
3. Г1алг1ай Республика территоре т1ара дешара учрежденеш чакхйоахаш бола
берех-боехи даьй доал доацаш дисача берехи бараш, профессиональни образоване дешара учрежденешка очни формаг1а д1ахо дешаш бола нах ца лаьрх1ача, 1алашбу барзкъаш, кога г1ирс, к1аьда инвентарь эцара цкъара ахчан пособеца;
4. Берашта-боштеи даьй доал доацаш дисача бераштеи льготаш тел: юкъарчеи лакхерчеи профессиональни дешара учрежденешка деша отта кийчвалара йолча курсашка мах бала ца безаш дешара йола бокъо, керттера юкъара е юкъера (йизза) юкъара образовани хилара хьакъехьара тешал долаш вале;
мах боацаш цхьоалаг1еи шоллаг1еи юххьанцара профессиональни образовани яккхара йола бокъо.
Статья 2. Берашта-боштеи даьй доал доацаш дисача бераштеи лаьрх1а опекунашта xlapa бетта телача пособей боарам X1ара бетта цхьан бера телача пособей боарам оттабу 1933 сом. Г1алг1ай Республика территоре т1ара образовательни учрежденеш чакхйоахаш болча, берех-боехи даьй доал доацаш дисача берехи барашта, профессиональни образоване образовательни учрежденешка очни формаг1а д1ахо дешаш бараш ца лаьрх1ача, цкъара д1алуча пособе боарам оттабу мехкарашта 28275 соми кагийча наха 27205 соми.
Кхы т1а белгалду профессиональни образовательни заведенешка д1аотташ луш дола ахча 6104 сома боараме.
Арг1анарча финансови шера x1apa бетта телача пособе боарам ч1оаг1бара йола решени Г1алг1ай Республика Правительства т1аэцаргйолаш оттаде.
Статья 3. Социальни хьаллацара г1улакхаш дара еча расходашта финансировани яр Берашта-боштеи даьй доал доацаш дисача бераштеи лаьрх1а опекунашта x1apa бетта пособеш телара еча расходашта финансировани елга ду вахача моттиге г1олла Г1алг1ай Республика городийи районийи бюджетий средствай чотаг1а. Берашта-боштеи даьй доал доацаш дисача бераштеи лаьрх1а опекунашта x1apa бетта пособеш телара расходаш софинансировани ю арг1анарча финансови шера белгалбаьча боараме республикански бюджетера. Финансови средствай боарам:
расходашта софинансировани яра x1apa бетта берашта-боштеи даьй доал доацаш дисача бераштеи лаьрх1а опекунашта тела пособеш оттаю x1apa шера республикански бюджете.
Берий-бойи даьй доал доацаш дисача берийи опекунашта x1apa шереи x1apa беттеи пособеш телара боарам оттабу x1apa шера городийи районийи бюджеташка арг1анарча финансови шера пособе боарамга а из д1аэцарий дукхалга а хьежжа.
Белгалдаь социальни хьаллацара г1улакхаш дара йолча расходашта финансировани яра порядок оттаю Г1алг1ай Республика Правительства.
Статья 4. Ер Закон ч1оаг1денна д1аоттар Ер Закон ч1оаг1денна д1аотт 2005 шера 1 январе денз.

Г1алг1ай Республика
Президент М. ЗЯЗИКОВ
г. Магас
23 июне 2005 шера



Г1АЛГ1АЙ РЕСПУБЛИКА ЗАКОН

"Бера х1ара бетта йолча пособе боарама,
из хьожаяра порядка, из д1ателара хьакъехьарча" Г1алг1ай Республика Закона
хувцамаш
юкъедахьара хьакъехьа

Т1аийцад
Г1алг1ай Республика
Халкъа Гулламо 9 июне 2005 шера
Статья 1. "Бера xlapa бетта йолча пособе боарама, из хьожаяра порядка, из д1ателара хьакъехьарча" №37-РЗ йолча 2004 шера 31 декабрерча Г1алг1ай Республика Закона ("Г1алг1айче" яха газет, 2005 ш., 3 февраль) юкъехьо ер хувцамаш:
1) 1-ча статья т1а:
а) шоллаг1ча абзаце "Г1алг1ай Республика" яхача дешашта т1ехьа язде "кхыча мехкий гражданаши гражданство йоаца нахи, цу даькъе Г1алг1ай Республика территоре т1а баха т1емах байдда баьхкараш а болаш" яха дешаш;
б) кхоалаг1ча абзаце "Российски Федераце гражданаш" яхача дешашта т1ехьа язде "кхыча мехкий гражданаши гражданство йоаца нахи" яха дешаш,;
в) пхелаг1ча абзаце "Российски Федераце гражданаш" яхача дешашта т1ехьа язде "кхыча мехкий гражданаши гражданство йоаца нахи" яха дешаш,;
2) 2-ча статья т1а:
а) шоллаг1ча абзаце "пособеш д1ателац" яха дешаш хувца "пособи д1ателац" яхача дешашца;
б) кхоалаг1а абзац д1аязъе укх редакцег1а: "Бера x1apa бетта йола пособи д1ателга, д1акхухьалга, д1аухийталга кхоачашду республикански бюджета средствай чотаг1а";
3) цхьоалаг1ча абзаце "(массазара регистраци)" яха дешаш хувца "(Г1алг1ай Республика территоре т1а бахача гражданашта йола массазара регистрации Г1алг1ай Республика территоре т1а ханна бахача гражданашта ханна йола регистрации)" яхача дешашца;
4) 4-ча статья т1а:
а) цхьоалаг1а абзац д1аяьннар ларх1а;
б) пхелаг1ча абзаце "из пособи д1ахьожаеш а д1ателаш а йола е судебни порядкаг1а баха нах социально лорабара лакхехьа латта орган" яха дешаш хувца из пособи д1ахьежаеча а д1ателача а е судебни порядкаг1а баха нах социально лорабара йолча лакхехьа латтача органе" яхача дешашца;
в) ялхлаг1ча абзаце "паспорт" яхача деша т1ехьа язде "е сага тешал деш дола кхы документ" яха дешаш;
г) т1атоха ер чулоацам бола абзац: "Бера x1apa бетта пособи д1ателара йолча расходашта финансировани яра порядок белгалъю Г1алг1ай Республика Правительства";
5) 5-ча статьяна ер чулоацам бола шоллаг1а абзац т1атоха: "Бера x1apa бетта тела пособи ехача хана бер даьча хана денз 6 бутт баьннабале, из тела оттаду д1а а тел заявлени а пособи хьожаяра хьакъехьара кхыдола документаш а хьачудалале хьалха 6 беттал дукхаг1а йоацача хана.";
6) 6-ча статьяй цхьоалаг1ча абзаце "декхараш хьат1акхаьчача" яха дешаш хувца "декхараш хьат1аэттача" яхача дешашца;
7) 7-ча статьяй ц1и д1аязъе укх редакцег1а: "Бера x1apa бетта пособи хьожаяраи д1ателараи бола т1ахьожам";
Статья 2
Ер Закон ч1оаг1денна д1аотт 2005 шера 1 январе денз.

Г1алг1ай Республика
Президент М. ЗЯЗИКОВ
г. Магас
23 июне 2005 шера
№ 30-рз


 
----

??????.???????
Новости |  Наш Президент |  Пишет пресса |  Документы |  ЖЗЛ |  История
Абсолютный Слух |  Тесты он-лайн |  Прогноз погоды |  Фотогалерея |  Конкурс
Видеогалерея |  Форум |  Искусство |  Веб-чат
Перепечатка материалов сайта - ТОЛЬКО с разрешения автора или владельца сайта и ТОЛЬКО с активной ссылкой на www.ingush.ru
По вопросам сотрудничества или размещения рекламы обращайтесь web@ingush.ru